تغطيه عسكر كاذبون فى تورنتو ... والنهارده المظاهره يا رجاله Army Lies coverage from Toronto ... Invitation to Global Day to Support the Egyptian Revolution Today

كان ليا شرف المشاركه فى تنظيم عرض عسكر كاذبون فى تورنتو كجزء من منظمه المصريين الكنديين من اجل الديموقراطيه ... انا اللى وصلت البروجيتور يا رجااااااله

متتخيلوش انا اتبسطت اد ايه بكميه التهم و الشتايم اللى خدناها على الخبر اللى نشرته جرائد الشروق و البديل و اللى اعادت نشره بعض جروبات الفيس بوك

http://shorouknews.com/news/view.aspx?cdate=11012012&id=00ab442c-cb74-4cab-a312-9b8e03d636e3

http://elbadil.net/%D8%B9%D8%B3%D9%83%D8%B1-%D9%83%D8%A7%D8%B0%D8%A8%D9%88%D9%86-%D9%81%D9%8A-%D9%83%D9%86%D8%AF%D8%A7-%D8%A7%D9%84%D8%A3%D8%AD%D8%AF-%D9%88%D9%81%D9%8A%D8%AF%D9%8A%D9%88%D9%87%D8%A7%D8%AA-%D9%84/

 نفس احساس حسن عابدين فى مشهد انا عايز واحده تهزأنى .. تهزأنى .. تهزأنى ( الجيل الجديد اعملو سيرش على اليوتيوب فضحتونا) ... انا معنديش كلام كتير و بس عايزكم تشوفو الصور 

If you can't read the above then be sure you took the right classes ... you wouldn't pass arabic

but here is some translation ... as a part of Egyptian Canadian for Democracy (ECD) I was honored to be one of the organizers for this great event "Army Lies", showing the real face of the army and the violations against the peaceful protesters ... I'll leave you with pictures from the event that shows the gathering and the reactions on people faces when they watched the video then you will find the video itself.

مفيش تعليق ابلغ من وشوش الناس ... اللى بيحصل ده ظلم ... و لكل ظالم نهايه

ده الفيديو اللى احنا عرضناه فى تورنتو و اللى اتعرض فى اكتر من مكان داخل مصر و خارجها ... و به

now to the video 

انا فخور انى كنت جزء من حدث زى ده.

و نازلين النهارده فى مظاهرات فى ٣ مدن كنديه و فى عواصم العالم المختلفه عشان نزود الوعى وسط الناس بالموقف الحقيقى فى مصر ... و عشان نوصل صوتنا لأخواتنا فى التحرير انكم مش لوحدكم واننا كلنا معاكم و الثوره مستمره

I'm so proud to be part of such an event

today we are protesting in 3 different cities in canada and all over the world to raise the public awareness of the real situation in Egypt, to show all the support we can to our brothers and sisters in Tahrir saying that you are not alone and the revolution continue.

دى لينكات المظاهرات فى كندا و فيها المعلومات الخاصه بالمعاد و المكان

Here is the links for the event in canada with all the information about the place and time

تورونتو Toronto

https://www.facebook.com/events/331641186860592/

فانكوفر Vancouver 

https://www.facebook.com/events/217834458302050/

مونتريال Montreal

https://www.facebook.com/events/295115207206011/

شاركونا بالحضور او النشر (شير فى الخير) او حتى انك تعرف اللى حواليك باللى بيحصل

استنوا منى الصور و التفاصيل بتاعت المظاهرات

Please support us by participation, sharing or just let people around you know about the situation in Egypt

Wait for the updates and pictures of the protests 

تابعوا و انشروا " من الاخير شير اند فولو "

please share and follow

يسقط يسقط حكم العسكر

Down down with the Scaf

اعمل الصح ... قوه البزبوز

احب اطمن الثوار اللى فى ميدان التحرير وفى كل ميادين مصر و العالم ان موقفنا احسن شويه من موقف غسان مطر, بس لسه فى ناس كتير مش فاهمه اننا طيبين زى محمود الجندى و كمال ابو ريه  و الموقف مش سهل.

 ٢٥ يناير ٢٠١١ لما كان الشعب كله بيغلى بس الغليان كله كان فى اتجاه واحد, زى براد الشاى بالظبط الهوا كله بيطلع من البزبوز و اللى عايز يقف ادام البزبوز بقا هوا حر  ,الكل كان شايف ان مبارك هوا السبب و لما يمشى الدنيا هتفرج و تروق و  تحلى و كان الحل انه يلبس بقلاضيشه و حناكيشه فى الحيطه.

دلوقتى الغضب و الغليان مشتت فى اكتر من اتجاه ... لقد اضعنا قوه البزبوز ... بقى فى اللى زعلان من الاخوان عشان اختلاف الاولويات او بمعنى تانى الكرسى اولا .. واللى زعلان من الليبراليين و العلمانيين ده اذا كان فى علمانيين اصلا  و شايفينهم بالأضافه لانهم هيقلعوا امك الحجاب خواجات و بيمولوهم خواجات ... ناس زعلانه من اللى موقفين حال البلد و ناس زعلانه من اللى جايبين لحالها اسهال ...اللى زعلانين من الاسلاميين من ايام اللى مش عاجبه يروح على كندا و ناس زعلانه من شركاء الوطن اللى بيتحاموا بالخارج ... من اللى قاعدين على الكنبه و اللى كانوا واقفين و قعدوا وحتى من الكنبه نفسها عشان لسه فى مكانها لحد دلوقتى و سايبه الناس دى كلها تقعد .

٢٥ يناير ٢٠١١ المصريين كانوا مصدقين ان مصر مش زى تونس ... مصر العن و اوسخ , و اذا كان الشعب التونسى ما يموتش فالشعب المصر هوا اللى اخترعها لما امواته كانو بينتخبوا ولازالوا . كل الناس كانت مصدقه ان التغيير ممكن حتى لو هيبقى اصعب من اللى حصل فى تونس ... الكل كفر بالفرعون و قرروا يهدوا الهرم على دماغه و حتى اللى كان لسه متعاطف معاه لما شاف اللى بيحصل نزل .

دلوقتى ناس كتير يئست و قالوا ماحنا بقالنا سنه بنحاول و مش عارفين نعملهم حاجه ... و ناس تقولك العسكر هما العمود الاخير انتا مش فاهم احنا ممكن يحصلنا ايه لو الشرطه و الجيش قلبوا علينا.

٢٥ يناير ٢٠١١ لما كنا فى الميادين محدش كان فارق معاه اللى واقف جنبه ده مطول شعره ولا مطول دقنه ... كله كان مصدق ان اللى جنبه هيشيله لو وقع و يحميه لو قدر... كنا مصريين اولا .

دلوقتى انتا مش مأمن لاخوك , ده غير انك زعلان منه اللى قلناها قبل كده .. فى ناس مش متاكده ان اللى واقف جنبه هيحميه و خايفين من اخواتهم و شاكيين فى ولائهم.

٢٥ يناير ٢٠١١ الناس مكانتش عارفه البديل ... مبارك كان بيقول يانا يا الفوضى و الناس اختارت الفوضى عشان بالنسبالهم كانت ارحم من الجريمه المنظمه اللى كانوا فيها. اصل بعد ما هتكوا عرضى يا مولانا بقى التفكير فى العواقب مش مهم . كان مفيش امل و الرد كان الحل الوحيد .

دلوقتى المجلس بيحاول يصدرلنا فكره ان الامل موجود . لو صبرتوا شويه هسلم السلطه و احنا اسفين على اللى بيحصل شوفتوا احنا حلوين ازاى ... طب نمشى و نسيبكوا للعالمانيين يغيروا الماده التانيه من الدستور .. طب نمشى و نسيبكوا لبتوع الامر بالمعروف ينفخوكوا .. طب نمشى و نسيبكوا للبلطجيه يقلبوكوا ... لا احنا طيبين و مش هنمشى الا لما نتأكد انكوا فى السرير و متغطيين و مفيش عفاريت تحت السرير ولا جوا الدولاب ... تحبوا نحكيلكوا حدوته احنا اللى حمينا الثوره عشان تناموا مطمنين ... واحنا زى العبط نمص صوابعنا و عينينا تغفل ... نمنمممنم.

يعنى من الاخر كده المجلس فى سنه قدر ياخد ناس كتير على حجره و ينيمنا و معملش اى حاجه من اللى احنا طلبناها 

و بكلمتين مجعلصين نقدر نقول ان المجلس قدر فى السنه دى 

1. يشتت طاقه الغضب الشعبى ضد اكتر من فئه
2. يضعف ايماننا بالثوره و الثوار و بأمكانيه و احتماليه التغيير
3. يقسمنا فئات و يشككنا فى ولاء بعض
4. يرعبنا من البدائل و من قدرت الشعب على التحكم فى الوضع فى حاله غياب العسكر

طب ما تيجوا نفكر بالعقل

هوا احنا لما نزلنا ٢٥ يناير كنا نازلين ضد مبارك  ولا كنا نازلين ضد الظلم و الفقر و القهر ... كنا نازلين ضد التوريث ولا عشان كرامتنا اللى اتبعترت و بقى القفا هوا المكان المفضل للسلطه ( غير اللى بيحبوا الاماكن الحساسه) للتواصل مع المواطن ...

1.  انا لسه غضبان من الظلم والقهر و الفساد و ازدواجيه المعايير سواء اللى بيعمل كده اسمه مبارك او مجلس عسكرى او جن ازرق بحرمله حمرا.
2. انا مؤمن ان ما بنى على باطل فهو باطل ... انسف حمامك القديم ... واللى حصل فى تونس لسه ممكن يحصل فى مصر ... و زى ما كان فى بو عزيزى  بقى فى حراره و عفت و دانيال و ست البنات وقفوا ضد الظلم ولازم نجيب حقهم.
3. انا واثق ان كل مصرى بأختلاف انتماءاتهم و افكارهم عايزالخير للبلد ... كل واحد عايز مصر احسن و محدش عايز يرجع بيها لورا وان دى اللحظه المناسبه اللى نقدر نقبل اختلافتنا و نتفق على مصلحه مصر .
4. انا مش خايف عشان احنا البديل ... مجتمع يتسع لجميع الافكار و الاتجاهات و الاحزاب و الديانات.

انا هفضل ثائر لحد ما نوصل للعيش و الحريه و العداله الاجتماعيه ... انا هفضل ثائر لحد ما يسقط النظام ... انا هفضل ثائر لحد ما ييجى فى السلطه ناس بتخاف على مصالحنا و مش بيخافوا على مصالحهم.

انسوا بقى المصطلحات الجديده انما هى اسماء سميتموها و تعالو نقول مع بعض ... الجماعه المحظوره والمسيحيين والشيوخ و العيال السيس الفرافير و المجانين و الصيع و كل شاب و فتاه فى سن الضياع بيشجعوا مصر و احنا معاهم.

يا كل حر ولد على تراب هذا الوطن ... اعمل الصح ... حتى لا تضيع قوه البزبوز